Në kuadër të projektit IWKA “Përfshirja e grave në agrobiznesin e Kosoves”, përgjatë këtyre diteve është realizuar një vizitë me perfitueset e projektit tek Kadrije Mustafa-Dodaj Bio ALTA. Në një ambient të ngrohtë dhe mikpritës, patëm mundësinë të njohim nga afër përdorimet dhe përfitimet e shumta të bimëve mjekësore. Ajo na tregoi për sekretet e natyrës dhe mënyrat se si mund t’i integrojmë këto mrekulli në jetën tonë të përditshme për një shëndet më të mirë.

Qëllimi i vizitave nuk është thjeshtë një mundësi për të ndarë njohuri dhe përvoja, por është një mundësi për të krijuar një rrjet të fortë mbështetës. Kur gratë takojnë njëra-tjetrën dhe ndajnë pasionet dhe ekspertizën e tyre, ato ndihmojnë njëra-tjetrën në zhvillim të mëtutjeshëm.