17 Gusht 2020: Besijana Sylka nga Rahoveci e diplomuar në Universitetin e Prishtinës ‘Hasan Prishtina’ në degën Filologji drejtimi Punë Sociale. Besijana gjithmonë e ka pasur pasion ndërmarrësinë dhe si rrjedhojë e ka nisur biznesin e saj individual ‘Dried Fruits’ i cili mirret me tharjen e frutave të ndryshme. Duke e parë mungesën në treg të këtyre produkteve, Besijana me përkrahjen e Kosova – Women 4 Women përmes grantit ‘Start- Up’ ia arriti që ta krijoj biznesin e saj.

Me grantin Start-Up përmes projektit “Mundësitë e grave në treg, ekonomi dhe rrjetëzim” WOMEN i cili implementohet nga Kosova – Women 4 Women ndërsa financohet nga Qeveria Gjermane përmes GIZ Kosovo u mundësua jetësimi i një mundësie shumë të mirë për të gjithë ata që duan të krijojnë një biznes apo janë në hapat e parë të ndërtimit të biznesit.