Për ne
Një organizatë kosovare që punon me gra që kërkojnë punë.
Programi i Women for Women International në Kosovë nisi në vitin 1999. Në vitin 2017 ai u bë organizatë e pavarur vendore: Kosova — Women 4 Women. Nëpër programet sociale dhe ekonomike kanë kaluar mbi 35,000 gra.
Misioni dhe vizioni
Misioni ynë është mbështetja e grave të margjinalizuara në Kosovë për të fituar dhe për të kursyer para, për të përmirësuar shëndetin dhe mirëqenien, të ndikojnë në vendimmarrjen brenda familjes dhe komunitetit dhe të krijojnë rrjete të mbështetjes. Duke shfrytëzuar aftësitë, njohuritë dhe të kenë qasje në burime, gratë do të jenë në gjendje për të krijuar ndryshime të qëndrueshme për veten e tyre, familjet e tyre dhe komunitetin.
KW4W parasheh një botë ku nuk ka grua të abuzuar, të varfër, analfabete ose të margjinalizuar dhe ku pjesëtarët e komuniteteve marrin pjesë në shoqëri në mënyrë të barabartë dhe të plotë dhe ku secili është i lirë të përcaktojë dhe të formësojë të ardhmen e tij dhe të shfaqë potencialin e tij të plotë.
Vlerat
01 · Zhvillimi i qëndrueshëm
02 · Barazia dhe shpërndarja e drejtë e të ardhurave
03 · Të drejtat individuale dhe grupore
04 · Demokracia dhe qytetaria aktive
05 · Bashkëpunimi dhe partneriteti
06 · Sundimi i ligjit
07 · Integriteti dhe dinjiteti personal
08 · Përgjegjësia
Drejtoresha dhe ekipi
Dr. Iliriana Jaka Gashi
Dr. Iliriana Jaka Gashi shërben si Drejtoreshë Ekzekutive në Kosova — Women 4 Women (K-W4W), ku menaxhon programe që u kanë shërbyer më shumë se 35,000 grave që nga viti 1999.
Nga viti 2011 ajo ishte për gati gjashtë vjet drejtore vendore për Women for Women International në Kosovë. Në vitin 2017 udhëhoqi tranzicionin e programit në një OJQ të pavarur vendore — Kosova — Women 4 Women — dhe u bë drejtoreshë ekzekutive e saj.
Para se t’i bashkohej Women for Women International, ka punuar për Agjencinë Kanadeze të Zhvillimit Ndërkombëtar, World Vision, Ambasadën Franceze në Kosovë, Bankën Botërore dhe Aleancën Ndërkombëtare të Shëndetit Amerikan (AIHA). Ka qenë gjithashtu anëtare e Komitetit të Politikave dhe Planifikimit në Ministrinë e Shëndetësisë të Kosovës.
Është mjeke, me diplomë Master në Menaxhimin e Administrimit të Kujdesit Shëndetësor nga Universiteti i Lozanës në Zvicër. Shërben në Bordin e Rrjetit të Organizatave të Grave Rome, Ashkali dhe Egjiptiane të Kosovës, është anëtare e bordit të Platformës CiviKos dhe anëtare e Klubit Ndërkombëtar Soroptimist në Prishtinë.
Historiku ndër vite
Puna e KW4W ndër vite, e renditur sipas vitit. Çdo hyrje lidhet me dokumentin ose lajmin përkatës kur ai ekziston.
Puna nis në Kosovë
Programi i Women for Women International nis punën me gra të margjinalizuara në Kosovë. Që nga ky vit, nëpër programet sociale dhe ekonomike kanë kaluar mbi 35,000 gra.
Drejtimi vendor
Dr. Iliriana Jaka Gashi merr drejtimin e Women for Women International në Kosovë, pozitë në të cilën qëndron gati gjashtë vjet.
Organizatë e pavarur vendore
Programi kalon në organizatë joqeveritare të pavarur vendore: Kosova — Women 4 Women. Dr. Gashi bëhet drejtoreshë ekzekutive e saj.
Inkubatori i biznesit për gra
Më 16 dhjetor 2019 promovohet inkubatori i parë i biznesit për gra në Kosovë, me përfaqësues institucionesh, ambasadash dhe donatorësh.
Gratë në agrobiznes
Në kuadër të projektit «IWKA — Përfshirja e grave në agrobiznesin e Kosovës» nënshkruhen kontratat për 20 përfituese granti nga Ferizaj, Juniku, Prishtina dhe Graçanica.