Javën që shkoi, 18 studentë nga
Departamenti i Psikologjisë, UP, përfunduan praktikën 6-javore në Kosova – Women 4 Women. Arritjet teorike që janë thelbësore për studentët, gjatë kësaj kohe u përkthyen në punë praktike dhe studentët patën mundësinë ta shohin punën në terren për së afërmi dhe të marrin përvoja të reja në fushën dhe profesionin e tyre.
Gjatë këtyre javëve, studentët patën mundësinë që ta ndjekin punën e organizatës tonë nga afër dhe të kontribuojnë në mbledhjen e të dhënave, si dhe në aktivitete të tjera në kuadër të Programit për Fuqizim Social. Studentët udhëtuan në regjionet rurale të Podujevës, Lipjanit, Ferizajt, Drenasit, Skënderajt dhe Gjilanit.
Falënderojmë Departamentin e Psikologjisë për bashkëpunimin dhe përshëndesim përzemërsisht studentët që kanë qenë me ne gjatë këtyre ditëve!
